Ekainaren 8ko Durango eta Iruñea arteko jendetzaren irudiak biltzen dituen bideoa ikusi zuten Plaza Barrian elkartutako ehunka herritarrek. Zelai Nikolas Gure Esku Dago ekimeneko ordezkariak hitza hartu zuenean "herritarron ilusioarekin egingo dugula aurrera" aipatu zuen, eta "herritarron esku dagoela etorkizuna".
Gure Esku Dago dinamikarekin "jarraitu beharraz" aritu zen Nikolas. Bere esanetan "etorkizunean zeri ekingo diogun erabakitzen ari da herriz herri. Dena den, `etorkizun´ eta `erabaki´ moduko berbekin eraiki beharrekoa izango da". Erabakitze eskubidea "naturala" eta "demokratikoa" dela azaleratu zuten ekialdian, "Inglaterrak ulertu duela eta beste batzuk ezbezala bide eman diola".
Dantzariak izan ziren gero eta, Agintariena euskal dantzaren bitartez, Eskozia, Katalunia eta Euskal Herriko banderak batu zituzten. Valentziako kantari Feliu Venturak Diada eguneko bizipenak aipatu zituen. Ekitaldia hiru bandera erraldoiak zabalduz, kantuan eta dantzan amaitu zen.
Gure Esku Dago ekimenaren batzorde nagusiak irailaren 27an batzarra egingo du aurrerantzean eman beharreko urratsak erabakitzeko.