uriola.eus

Bilboko Antzerki eta Dantza Garaikide Jaialdiak ohiala jasoko du gaur Arriaga Antzokian

  Kultura-aisialdia  Alde Zaharra

Olatz de Andresekin, Claudia Diasekin eta Laurentzi Produccionesekin BADen edizio honi hasiera emango diote 20:00etan Arriaga Antzokian; Carlos Gilenen testua eta Lander Iglesiasen zuzendaritza dituen Cuarteto del Alba lanarekin.

Jaialdia azaroaren 2ra arte ikusi ahal izango da ohikoak diren eszenatokietan. Gaur berrikuntza gisa, Arriaga plazak Cielo Raso euskal dantza konpainiaren aire libreko inaugurazio lana jasoko du arratsaldeko 19:00etan.

Nazioarteko programazioari dagokionez, BADek, Europa mailako antzerki dokumentaleko lan garrantzitsuenetako bi programatu ditu: Italiako antzerki garaikideko artista garrantzitsuenetakoa den Pippo Delbono italiarraren Racconti di Giugno Guggenheim Museoaren auditorioan, urriaren 28an, arratsaldeko 19:00etan eta dantzaren berrikuntzan eragin gehien duenetakoa den Jerôme Bel dantzari eta koreografoaren Cedric Andrieux La Merceden, urriaren 25ean, gaueko 21:30etan.

Beste alde batetik, Lagartijas tiradas al sol konpainia mexikarrak Montserrat bakarkako lana aurkeztuko du La Fundicionek, urriaren 27an, gaueko 21:00etan. Lan horretan, Gabino Rodríguez mexikarra amaren bila hasiko da, errealitatearen eta fikzioaren arteko muga liluragarrian. Erreferentziazko konpainia da Mexikon, eta lehen aldiz heldu da Euskadira, jada Paris, Brusela edo Zurich bezalako jaialdietatik igaro den lan horrekin.

Horrez gain, BADeko edizio honek, Olga Mesa eta Olga de Soto bezalako bi artistaren lana ezagutzeko aukera emango die Bilboko ikus-entzuleei. Artista horiek hemen aurkeztuko dituzte euren lanak, berriro ere, urte luzez.

Egitaraua

Urriak 22, asteazkena

19:00 Cielo Raso euskal dantza konpainia, Arriaga Antzokian.

20:00 Cuarteto del Alba lanaren Bizkaiko estreinaldiarekin, Arriaga Antzokian.

Urriak 25, larunbata

19:30 Tras las huellas de La mesa verde: Una introducción performance dokumentala, La Merceden.

19:30 Macarena Recuerdaren That´s the story of my life performancea, Errekalde Aretoan.

Cuentame en imágenes tailer intentsiboa, Errekalde Aretoan.

21:30 Jereme Bel dantzari eta koreografoaren Cedric Andrieux, La Merceden.

Urriak 28, asteartea

19:00 Pippo Delbono italiarraren Racconti di Giugno, Guggenheim Museoaren auditorioan.

Urriak 29, asteazkena

Playgrounden (Xavier Bobés) Monstruos lanak leku kopuru mugatua duen ikuskizunak bi emanaldi izango ditu.

Urriak 31, ostirala

21:30 Carmen: Shakespeare Acto 1 lanaren Euskadiko estreinaldia, La Merceden.

Azaroak 2, igandea

20:30 El futuro empezó ayer lanaren erabateko estreinaldiak emango dio amaiera jaialdiari, La Merceden.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa