Euskalduntasun urbanoaren bila. Euskalduntasuna Bilbon, noranzko berriak da mahai-inguruaren titulua. Hitzordua, gaur asteartea -azaroak 11-, Euskaltzaindiaren egoitzan, 19:00etan.
Txerra Rodriguez soziolinguistak euskalgintza eta hizkuntza politikaren eredu ezberdinak aurkeztu eta zalantzan jarriko ditu, Bilboko errealitatean hiriaren eta hizkuntza komunitatearen prospekzio ariketa eginez.
Imanol Galfarsoro pentsalari eta ikerlariak berriz multikulturalismoaren diskurtsoa bera jarriko du zalantzan, subordinazioa eta hegemonia bezalako kontzeptuak baliatuz elkarbizitza eta demokrazia birpentsatzeko.
Alba Fatuarte izango da bi ekintzaile eta pentsalarien arteko solasaldiko moderatzailea.
Ekimen ireki eta parte-hartzailea da interesa duen ororentzat.
