Dendari kaleko 30. zenbakian dagoen Maison 13 etxe okupatua desalojo arriskuan dagoela jakinarazi dute bertako lagunek. Abokatuak desalojorako eskutitza jaso du eta beraz, eraikina hurrengo 5 egunetan hustu dezaketela ohartarazi dute sare sozialetan. Ondorioz, elkartasuna adieraztera deitu dituzte herritarrak.
Maisoneko lagunek esandakoaren arabera, epaileak edozein momentuan eman dezake eraikina desalojatzeko agindua. Gaur, 20:00etan asanblada irekia egingo dute eta bertan zehaztuko dituzte datozen egunetarako elkartasun erantzun posibleak.
Datozen orduetan egoeraren berri ematen jarraituko dugu.