Bere polizia eleberriengatik da ezaguna John Conolly idazlea. Charlie Parker detektibea protagonista den lanengatik, batez ere. Gaur, 19.00etatik aurrera, eta sarrera doa dela, Conolly bera izango da Eleberri Beltzaren X. Topaketako protagonista. Felix Linares kazetariak gidatuko du Bidebarrieta Kulturgunean John Conollyren solasaldia.
Ekainaren 14ra arte, Areatzak Bilboko XLV. Liburu Azoka hartuko du. Guztira, 55 erakusketari ari dira parte hartzen aurtengo edizioan. Bertaratutakoek hainbat ekitaldiz gozatzeko aukera izango dute: aurkezpenak, hitzaldiak, sinatze-ekitaldiak, tailerrak, literatur sari-banaketak eta Euskal aldizkariak erakusketa, besteak beste.
Bestalde, Bilboko Liburu Azokarekin elkarlanean, Bidebarrieta Kulturguneak solasaldiak jasoko ditu. Ostegunean, ekainak 11, izango da azkena. Yasmina Khadra idazlea igaroko da Bidebarrieta Kulturgunetik bere literaturari buruz hitz egiteko Felix Linaresek gidatuko duen saioan.
Egitaraua
Ekainak 10 asteazkena
18:00 Antonio Riveraren liburu aurkezpena. Azokako karpan.
Ekainak 11 osteguna
18:00 Fernando Palazuelosen Funámbulos ciegos liburuaren aurkezpena. Azokako karpan.
19:30 Jose Ramon Aranaren Felipe II. Memorias inéditas liburuaren aurkezpena.
19:00 Yasmina Khadraren solasaldia, Felix Linaresek aurkeztua. Bidebarrietako liburutegian.
Ekainak 12 ostirala
11:30 Mikel Santiago, Oier Santos eta Aritz Gorrotxategiren liburuen aurkezpena.
Ekainak 14 igandea
12:00-14:00 Katixa Agirren Atertu arte itxaron liburuaren aurkezpena. Elkar argitaletxearen erakusmahaian.
13:00 Umeentzako tailerrak. Azokako karpan.
13:00 Magia ikuskizuna. Valen magoa. Azokako karpan.