Euskal Herriko etxe batean gertatzen dira 'Etxekoak' ikuskizuneko ekintza guztiak. Etxe horretan bizi da Jon Gerediagak sortu duen istorioko lau pertsonaietako bat, Maddi. Maddik Mamadou maite du. Halaxe dio bere bihotzak. Baina etxean ezin du edonor sartu. Hala dio legeak.
Maddi, Goio (Maddiren osaba tentela), Imanol (Goioren anaia eta Maddiren osaba) eta amama (Maddiren amama eta Goio eta Imanolen ama) dira lau pertsonaiak. Kristiane Etxaluz, Javier Barandiaran, Ander Lipus eta Maika Etxekopar aktoreek gorpuztuko dituzte.
'Etxekoak' ArteDramaren ekoizpena da.
