Ekimenaren helburua, elikadura-ohiturek kasu askotan hiltegietan milioika animalia torturatzea eta erailtzea eragiten dutela erakustea da eta bidegabekeria hauetan partehartzea ez dela beharrezkoa agerian uztea. Horrerarako, Somera kaleko 12 ostalarik animalia-ustiapenik gabeko pintxo dastaketa prestatuko dute. Bertaratzen diren lagunek pintxo gustokoenagatik bozkatu ahalko dute eta ondorioz, pintxorik onena prestatzen duen taberna saritua izango da.
Bozkaketa, Piztiak Konpartsa animalistak Someraren erdigunean ipiniko duen informazio-mahaian gauzatuko da; hemen ere dastatzaileek konpartsak antolatutako zozketa batean parte hartzeko aukera izango dutelarik.
Pub K2, Bikandi Jatetxea, Jaunak Jatetxea, Tirauki Taberna, Gure Etxea taberna, Jonen Etxea Taberna, Motrikés taberna, Nekane Taberna, La Mejillonera, Madariaga Taberna, Urkia Taberna eta Pepe Mujika Taberna izango dira ekimenean parte hartuko duten Somerako tabernak.