%252010.41.29.png)
Arriaga Antzokiak, arte eszenikoen aldeko pasioa sustatzeko eta ikus-entzuleei antzokira etortzea errazteko xedez, 2013ko eta 2014ko kanpainari berriro ekin eta berriz ere, bere Opari Txartela jarri du salgai. Txartel horri esker, jasotzen duenak, 2015/2016 denboraldi honetako antzerki, musika, zartzuela, opera, dantza… ikuskizunez gozatu ahal izango du. Beste modu batean esanda, Arriagako Opari Txartela oparitzen duenak emozio bikain eta paregabeak oparitzen ditu.
Arriaga Antzokiak errepikatu egiten du, horrela, 2013ko Gabonetako kanpainetan martxan jarri zuen ekimena, izandako arrakastaren ondorioz 2014ean ere gauzatu zena. Orain, hirugarren urtez jarraian, kanpainak helburu berberari eusten dio: ahalik eta pertsona gehien antzokira erakartzea eta harrobia egiten jarraitzea, adiskideak gehituz.
Arriaga Antzokiko Opari Txartela eskuratzea, oso prezio egokian eta beste zenbait abantailez kultura oparitzeko aukera bikaina da. Hori dela eta, Gabon hauetan senideei edo/eta adiskideei egiteko opari ezin hobea izan daiteke.
Opari Txartelaren bi modalitate daude. Batak 40 euroko saldoa du, eta besteak 100 eurokoa. Aukera bietako edozeinek ematen du 2015/2016 denboraldi honetarako Arriaga Antzokiko sarrerak erosteko aukera (saldoa agortu arte). Horrela erositako sarrerek, lehen unetik %25era hel daitezkeen beherapenak dituzte.
Horrez gain, Opari Txartela duenak beste abantaila bat ere badu. Haren saldoa agortu ondoren, Arriagako Adiskide karneta dohainik lor dezake. Karnet horren titularrak sarrerak beherapenarekin erosten jarraitzeko eskubidea eta bestelako zenbait abantaila izango ditu denboraldi honetan, 2016ko ekainera arte. Opari Txartelaren saldoa amaitu ondoren aipatutako karneta dohainik lortzeko, nahikoa izango da antzokiko Informazio Bulegora hurbiltzea eta Opari Txartela aurkeztea.
Opari Txartelak sarreren prezioan abantailak dituzten eskaintzak ematen ditu, balio osoa amaitu arte (40 edo 100 euro, modalitatearen arabera). Arriaga Antzokiko txarteldegietan erabili daiteke, eta baita on-line egiten den edozein erosketatan ere (www.teatroarriaga.com). Sarrerak Internetez erosteko, Opari Txartelaren jabeak txartel bakoitzean dagoen kodea sartu beharko du.
Salmenta puntuak
Opari Txartela dagoeneko erosi daiteke Informazio Bulegoan edo Arriaga Antzokiko txarteldegietan.
Informazio bulegoa
- Astelehenetik ostiralera: 11:00etatik 14:00etara eta 17:00etatik 20:00etara.
- Telefonoa: 94 479 20 36.
- E-maila: informacion@teatroarriaga.com
Txarteldegiak
- Astelehen, astearte, larunbat eta igandeetan: 11:30etatik 14:00etara eta 17:00etatik 19:00etara.
- Asteazken, ostegun eta ostiraletan: 11:30etatik 14:00etara eta 17:00etatik 20:30etara.