Oihan Boogie izena duen jaia 16:30ean hasi eta 19:30ean amaituko da. Arratsalderako zenbait jolas eta proba prestatu dira neska-mutilek ondo pasa dezaten 'oihanaren legearen', adiskidetasunaren eta talde-lanaren balioan sakonduta.
Gazteria Sailak Kideguneetako ikasturte honetako gaia hartu du oinarritzat: animaliak.
Biharko jaia jarduera berezia da eta berdina Bilboko zazpi Kideguneetan. Bi helburu nagusi dauzka: zentro guztien arteko harremanak sustatzea eta modu alaian amaitzea ikasturtea, neska-mutilak datorren urteko programan parte hartzera animatuta.
'Kidegune'
Programa hau hiriko eskaintza bakarra da 9-11 urteko neska-mutilentzat, lagunak eginez eta ondo pasatuz, gaiak ezagutzeko eta jarduerak egiteko hezitzaileen begiradapean. Asteburuetan egiten da, barikuetan edo zapatuetan, 17:30etik 19:30era bitartean, Begoñako, Zazpi Kaleetako, Iralako, Otxarkoagako, Castañosko, Deustuko eta Zorrotzako udaltegietan.