uriola.eus

Dantza Plazetan programak euskal dantzen lau alarde eskainiko ditu igandetik aurrera Arriaga plazan

  Kultura-aisialdia  Alde Zaharra

Euskal dantzen lau alarde programatu ditu Udalak igande honetarako zein uztailaren 9, 16 eta 23rako (larunbatak). Era horretan, hiriko plazetan eskainiko diren erromeria tradizionalen, dantza alardeen eta kalejiren bitartez euskal folklore herrikoia bultzatzeko xedea du Dantza Plazetan programak.

Programa urte osoan zehar Bilboko auzo guztietan gauzatzen den arren, uztailean alardeak ikusteko aukera egoten da Arriagako plazan, "gure folklorea, bereziki udako hilabeteetan gure hirira bisitan datozen pertsonei hurbiltzeko".

Emanaldiak arratsaldeko 19:00etatik aurrera eskainiko dira, "inguru horretan jende gehien ibili ohi den orduekin bat eginda".

Uztaileko alardeak talde hauek eskainiko dituzte: Santutxuko Gaztedi Dantzari Taldeak, Basurtuko Beti Jai Alaik, Goi-alde Dantza Taldeak (Erandio), eta Kastañoseko Salbatzaile Dantza Taldeak.

 

Agenda

19:00etan. Arriagako plaza 

- Uztailak 3 (igandea): Santutxuko Gaztedi Dantzari Taldea 

- Uztailak 9 (larunbata): Basurtuko Beti Jai Alai 

- Uztailak 16 (larunbata): Goi-alde Dantza Taldea"  (Erandio)

- Uztailak 23 (larunbata): Kastañoseko Salbatzaile Dantza Taldea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa