uriola.eus

Bidebarrietak Lutoslawski laukotearen kontzertua jasoko du gaur

  Kultura-aisialdia  Alde Zaharra

Madrilen dagoen Poloniako Kultura Institutuaren laguntzarekin antolatutako jardunaldia gaur, asteartea, apirilak 25, arratsaldeko 19:30ean hasiko da Bidebarrietako Liburutegiko ekitaldi aretoan, sarrera librearekin. Ezin izango da inor sartu kontzertua hasi ondoren.

Lutoslawski hari laukotea Poloniako laukote gazte azpimarragarrienetakoa da. 2007an sortu zenetik, oso azkar finkatu da Poloniako zein nazioarteko musika eszena klasikoan, eta jaialdi garrantzitsu askotan hartu du parte: Varsoviako Udazkena, Wratislawa Cantans, Bruselako Klarafestival, Turkian egiten den Ankarako Musika Jaialdian, Hong Kong Arts Festival, Hego Korean Tongyeyong-eko Nazioarteko Musika Jaialdia, World Music Days eta Jazztopad jaialdietan, besteak beste.

Horrez gain, Lutoslawski laukotea oso auditorio ospetsuetan aritu da, Tokioko Kioi aretoan, Singapurrreko YST Kontserbatorioan, Hangzhouko Hangzhou Antzokian, Beijingen dagoen Hiri Debekatuko auditorioan edo Berlingo Konzerthaus-ean. Laukotea Pariseko Pompidou Zentroko IRCAMekin ere lankidetzan aritu da.

2017/04/25 19:30

Bidebarrieta Liburutegia | Alde Zaharra

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa