Alde Zaharreko Gazte Egunak Zazpikaleak abordatuko ditu larunbatean

uriola.eus 2017-06-16 09:44 Jaiak Alde Zaharra

Ekaitzaren aurrean zazpi itsasoak gureganatu goiburuarekin aurkeztu dute aurten Bilboko Alde Zaharreko bigarren Gazte Eguna. Larunbaterako egitarau oparoa prestatu dute Zazpikaleetatik barrena egingo duten ibilbidean. Elkartasuna agertuko diete preso dauden Alde Zaharreko hamar piratei.

Larunbatean, ekainaren 17an, ospatuko dute bigarren aldiz Zazpikaleetako Gazte Eguna. Ekaitzaren aurrean zazpi itxasoak gureganatu lelopean aurkeztu dute egun bakarreko jaia, bideo zirikatzaile eta aldarrikatzailearekin. Aurten, elkartasuna agertuko diete preso dauden Alde Zaharreko hamar piratei, 12:00etan Etxebarrieta anaien plazan egingo duten elkarretaratzearekin. Ekintzok, Zazpikaleetako Gaztetxean, Etxebarrieta anaien plazan, Bidebarrieta kalean eta Santiago plazan burutuko dira, eta pirataz jantzita bertaratzeko deia zabaldu dute.

Egitaraua

11:00 Zapia lepoan, euskara ahoan

12:00 10 piratak etxera elkarretaratzea

13:30 Old Cascos Shopping Center Touristic tour

15:00 Bazkari pirata (txartela 8€, Errondabide eta Adaxkan)

17:30 Ginkana feminista

19:30 Rker elektrotxaranga

21:30 Uhartetxea: Sustrajah Band, Uki Selektorea, Ziztada eta Santa taldeekin.

Lagundu URIOLA ataria indartzen zure diru-ekarpenarekin. Izan zaitez URIOLA Laguntzailea!

2017/06/17 11:00 - 23:59

Alde Zaharra

Zabaldu artikulua: