Gaurtik hasita eta igandera arte Bilbo Zaharrak auzoko jaiak ospatuko ditu. Kontzertu askoz osotutako festak izango dira, hamar izango dira, hain justu. Gaur jaiei hasiera emango diete arratsaldeko 20:00etan eta gau partean Anarkia Tropikal eta Ezten Giro kontzertuak nagusituko dira.
Larunbatean, kukaña toxikoa antolatu dute itsasadarrean elkartasun bazkariaren ondoren eta gauean Grand Master, Sonic Trash eta Fetitxe taldeak oholtzara igoko dira musika gau paregabea eskaintzeko. Jai Batzordeak gogorarazi du oraintsu egin diren ur-analisiek baieztatu dutela itsasadarraren ur kalitatea ez dela egokia bainatzeko, eta ekimenean parte hartzen duen orok "bere gain hartuko dituela gerta daitezkeen ondorioak".
Igandean, eguerdian hasiko dira umeentzako herri kirolak eta 13:00etan paella eta tortilla lehiaketari txanda pasako diote. 15:00etan herri bazkarirako batuko dira auzokideak eta arratsaldean Radio Revolucion eta Her Golden Whip bandak auzoa girotuko dute.
Egitaraua
Uztailak 21, ostirala
20:00 Jaien hasiera
21:00 Kontzertuak: Anarkia Tropikal eta Ezten Giro erromeria
Uztailak 22, larunbata
12:00 Puzgarriak eta jolasak
15:00 Elkartasun bazkaria
17:30 Kukaña toxikoa
21:00 Kontzertuak: Grand Master, Sonic Trash eta Fetitxe
Uztailak 23, igandea
12:00 Umeentzako herri kirolak
13:00 Marianito rock
13:00 Paella eta tortilla lehiaketa
15:00 Herri bazkaria
17:30 Enaitz ipuin kontalaria
18:30 Musika emanaldia: Radio Revolucion eta Her Golden Whip
