uriola.eus

EH Bilduk MugiDa! antolatuko du larunbatean Bilbon

  Kultura-aisialdia  Alde Zaharra

Hamaika ekitaldi egongo dira Areatzan, Plaza Berrian eta, oro har, Zazpikaleetan, kalejiretatik hasi eta kontzertuetaraino.

'MugiDa!' jardunaldia ospatuko da larunbat honetan Bilboko Alde Zaharrean. EH Bilduk antolatutako ekintzak hiru guneetan banatuta egongo dira: Plaza Berria, Areatza eta 'Kalea'. Plaza Berrian, Jose Luis Elkorri eta 1977ko alkateen mugimenduari omenaldia egingo diote eguerdian.

Areatzan, 11:00tatik aurrera, tailerrak, animazioa, musika emanaldiak, munduko dantzariak eta euskal food trucks-ak egongo dira. 11:30ean, umeentzako tailerrak eta animazioa egongo dira, 11:30etik 17:00etara helduentzako tailerrak eta 12:00etatik 16:30era Catalunyako calçotada eta ardo porroiak; 13:30ean Txiki Goloka taldeari jarraitu ahal izango zaio kalejiran, 13:30ean Haritz Hostoa Abesbatzak eta Havana 537 taldeak joko dute, besteak beste, eta 17:30ean Manifestazio-kalejira abiatuko da, Arnaldo Otegiren ekitaldiarekin bukatuko dena.

Zazpikaleetan zehar ere hainbat ekintzetan parte hartu ahal izango da. 12:00etan, 'Africa United' kamiseta solidarioak salduko dira Gurutz kalean; 13:00etatik 15:00etara, balkoi eta kale emanaldiak ikusi ahal izango dira; Bira tabernak 'Marianito Feminista' monologoa hartuko du 15:30ean eta (H)aktibismo tailerra 16:15ean; bukatzeko, 23:30ean Yogurina Borovak kontzertua emango du Kukusoak tabernan.

2019/03/30 11:00

Zazpikaleak Alde Zaharra

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa