uriola.eus

Bortizkeria polizialaren kontrako kontzentrazioa deitu dute gaur Bilbiko plazan

  Jendartea  Alde Zaharra

Joan den ostegunean Bilbo Zaharra auzoan gertatutako atxiloketak salatzeko elkarretaratzea egingo dute gaur arratsaldeko 19:00etan Bilbiko plazan. 

Bortizkeria polizialaren kontrako kontzentrazioa deitu dute gaur Bilbiko plazan
Irudia: Facebook | Ikusi handiago | Argazki originala
Gaurko kontzentrazioko deitzaileen arabera, urriaren 15eko gauean bi auzokide atxilotu eta beste bi zigortu zituen Ertzaintzak mozal legea aplikatuta. Izan ere, "auzoko emakume bat poliziaren aldetik tratu bortitz eta iraingarria jasaten ari zen eta hainbat lagunek euren telefonoekin ekintza grabatu zuten". Irudiak grabatu zituztenak atxilotu zituen poliziak une horretan. 
 
Beste bertsioak ordea, pertsona talde bat osasun jarduera bat oztopatzera hurbildu zela dio, baita agenteak erasotu zituela ere.
 
Bilbo Zaharreko zein San Frantzisko auzoetako bizilagunek, egoera salatzearekin batera, bi auzoak "larriki militarizatuta" daudela gehitu dute, eta horren aurkako elkarretaratzea deitu dute gaur arratsaldeko 19:00etan, Bilbiko plazan. 
 
 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa