uriola.eus

Somera kalearen degradazioa salatu dute asteburuan

  Jendartea  Alde Zaharra

Bihotzean, Zazpi Kaleetako Auzo Elkarteak, eta S.O.S Somera elkarteak antolatuta, gaur egun kaleak pairatzen duen egoera salatu dute asteburuan.

Somera kalearen degradazioa salatu dute asteburuan
Somera kalean egindako auzo ekintza | Ikusi handiago | Argazki originala

Somerako merkatariak, ostalariak eta auzotarrak bildu dira auzo elkarteak antolatutako salaketa-publikoan. Izan ere, haien esanetan, auzoak “urte parea daramatza pixkanaka degradatzen” eta hauen arabera, erakunde-publikoek ez dute irtenbide kolektibo bat bilatzeko ahalegina egin. Egoera ikusita beraz, haien artean antolatzea erabaki dute.

Halaber, zinegotziekin eta Bilboko alkatearekin batera hainbat bilera egin ondoren, Alde Zaharreko bizilagunak Bihotzean auzo elkartearekin batera antolatzen hasi dira: auzo-lanaz baliatuz kalea duintzeko alternatiba integralak eraiki nahi dituzte.

Horretarako, Somerako auzokideek talde-lanak sortuko dituzte auzoko bizilagun eta merkatari ezberdinekin udalari konponbide kolektibo bat proposatzeko. Gainera, hemendik aurrera auzoa berpizteko hainbat ekintza antolatuko dituzte, besteak beste, aisialdi proposamenak edota erosketetarako laguntzak. Modu horretan, auzoa berreiraiki nahi dute denon artean Somera kale “atsegin, lasai, erakargarri eta bizi” bat bihurtzeko. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa