Urtarrilaren 15ean, ostirala, arratsaldeko 19:00etan Mikel Reparazek, idazle eta EITBko berriemaileak, "Las grietas de America" liburuaren aurkezpena egingo du. Igandean ordea, eguerdiko 13:00etan MICE taldearen kontzertua egongo da. Kasu honetan kontzerturako beharrezkoa izango da lehenbizi tokia erreserbatzea, helbide elektroniko bat bidalita. Sarreraren prezioa 5€koa izango da.
Datorren astean, Itxaro Bordak eta Ibon Rodriguezek, Amildegiak jardunaldien baitan elkarrizketa izango dute Ane Zabalarekin, asteartean arratsaldeko 18:30ean. Sarreraren prezioa 3€koa izango da eta tokia erreserbatzea beharrezkoa izango da, lehen aipatutako era berdinean.
Azkenik, urtarrilaren 24an, igandea, 13:00etan Gaizka Insunzak kontzertua eskainiko du Redstone zikloaren baitan. Sarrerak 5€ balioko ditu eta honetan ere beharrezkoa izango da aurretik tokia erreserbatzea, programazioabira@gmail.com helbide elektronikora mezua bidaliz.
BIRAKIDE KANPAINA
Bira Kultur Guneak ateak zabaldu zituenetik 4 urte igaro dira dagoeneko. Egungo egoerak, kultura-ekitaldien autofinantziazioa egitera eraman ditu eta horren asmoz "Birakide programaziorako kidetze-kanpaina" martxan jarri dute. Aukera zabala dago kuota ordaintzeko, urteko 10€, 25€, 50€ edo 100€ ordainduz, edota hilean 5€ edo 10€ ordainduz. Birakide egiteko formulario hau betetzea ezinbestekoa da.