uriola.eus

Elkarretaratzea deitu dute gaur Alde Zaharrean gertatutako eraso matxista salatzeko

  Jendartea  Alde Zaharra

Kalamiak Alde Zaharreko gazte talde feministak kontzentrazioa deitu du gaur, apirilak 12, auzoko neska batek jasandako eraso matxista salatzeko. 19:30ean Iturribideko eskaileren sarreran elkartzeko deia egin dute.

Apirilaren 8an Iturribide kaletik Solokoetxera doazen eskaileratan neska gazte bat erasotua izan zela adierazi du talde feministak. Kideek jakinarazi dute gertatutakoa ez dela kasu “isolatua” izan, azken denboraldian Iturribide kalean emandako hainbat eraso sexistaren adierazle dela.

Hori dela eta, gaur arratsaldean elkartzeko deia egin dute "erasoa pairatutako neskari elkartasuna adierazi eta erasotzailearekiko mespretxua eta haserrea adierazteko".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa