Euskal sortzaile gazteentzako plaza da Bidea Bidean Bide egitasmoa. Loraldia Gaztearen lan ildoetako bat da; fokua zaleetan eta sortzaileetan jarrita, Bilboren bihotzean dagoen BIRA Kulturgunean plazaratzen da hilabetean behin.
Antxon Agirrek, Loraldia Gazteako partaideak, gonbidatu nahi gaitu gazteak erdigunean duen euskal kulturgintza hauspotzera: “hemen hasitako bideak gerora fruituak ekar ditzake gazte sormen harrobi hau biziberritzeko”.