ELKARRIZKETAK LITERATURAREKIN XXI. MENDEAN Bidebarrieta Kulturgunean

Bidebarrieta Kulturguneak "Elkarrizketak Literaturarekin XXI. mendean" topaketaren beste hitzordu bat hartuko du urtarrilaren 14an, asteartea, 19:00etan. Topaketaren izenburua "Zertan pentsatzen du poeta batek idatzi behar duenean?" da eta euskaraz egingo da.

Solasaldia Bidebarrietako Liburutegiko Ekitaldi Aretoan izango da eta sarrera librea izango du lekua bete arte. Euskadi Literatura Saria bitan irabazi duen Harkaitz Canok eta Jon Gerediaga poeta bilbotarrak hartuko dute parte. Juanra Madariaga alpinista eta idazleak moderatuko du elkarrizketa, mendiarekiko pasioa eta bere alderdi literarioa uztartuz.