Bilbo Palestina herri ekimenaren eta Errondabide Kultur Elkartearen elkarlanari esker, Rouhaifa Kassem artista palestinarrak bere erakusketa irekiko zuen Errondabiden pasa den igandean, palestinar lurraren egunean.
Rouhaifa Kassem Libanoko errefuxiatu eremuetan jaiotako artista palestinarra da eta Bilbora heldu berri da bere aberriaren zauria ekarriz, margolan espresionista eta abstraktuen bidez. Martxoaren 30ean egindako inaugurazio ekitaldian parte hartu zuen bere lan eta bizipenak azalduz. Bere margolanak bizitzea merezi duen eta bere zaurien gainean dantza egiten duen herri baten oinazearen, tristuraren, alaitasunaren eta bizitzaren adierazpenak dira.
Argazkilaritzako eta margolaritzako trebatzaile gisa lan egin du errefuxiatu eremuetako hainbat elkartetan. Erakusketak egin ditu hainbat herrialdetan, bere herriaren kausarekin eta borrokarekin konprometituta beti. Bere marrazketa-arkatzaz baliatu da bere herriaren sufrimenduak adierazteko. Bere familiaren Nakba pairatu du eta berarekin bizi izan da Nahr El Bared errefuxiatu eremuan (2007an suntsitu zuten, 1948ko Nakbaren jarraipen gisa).