Bilboko Udaleko Gobernu Batzarrak Luis Briñas berriztatzeko bi aurrekontu-partidak onartu ditu. Kalea eraldatzeko plana bi fasetan banatu du Udalak: lehenengo fasean Urkixo zumarkalearen eta Zunzunegi etorbidearen arteko tartea, Intermodaleko sarrera barne, eraldatuko da. Lehenengo fasean 1.251.152,44 euroko inbertsioa egingo da eta zortzi hilabeteko exekuzio-epea izango du. Bigarren fasean Urkixo zumarkaletik Autonomiara arteko tartea eraldatuko da, zortzi hilabeteko exekuzio-epean eta 1.357.820 euroko aurrekontuarekin.
Ingeniaritza eskolako tartea hartuko duen lehenengo fasean kalearen bi aldeetako espaloiak konpondu eta zabalduko dituzte, zerbitzu-sare guztiak ordezkatu, aparkalekuen eremua berrantolatu eta Ingeniaritza Eskola ondoan bidegorria jarriko da. Bestalde, hiri-altzariak modernizatu eta parterretan berdeguneak sortuko dira, baita Parrotia Pertsiar espezieko zuhaitzak landatu ere.
Perez Galdos-Autonomia tartean ere espaloiak, hiri-altzariak eta udal-zerbitzuak berrituko dira, baita jardinera berriak jarri ere, zeinetan olivilla espezieko zuhaixka apaingarriak landatuko diren, eta zirkulazio-erreiak hirutik bi izatera egokituko dira, zeinak espaloiak zabaltzeko aukera emango duen.