"Gurekin jolasten ari dira" dio Migel Anjelek. Bera da Ascensores de Begoña S.A. enpresak dituen bost langileetako bat, eta lankideak bezala "oso nekatuta" dago azken hileetan bizi duten lan egoeragatik. Hiru hileko soldata zor die enpresak eta "hile bukaeran lau hilekoa izango da". Horregatik adostu dute mobilizazioak abiaraztea.
Lanuzteak lehenengoz, greba mugagabea gero
Maiatzaren 23an ekingo diete lanuzteei. Ostiralean, maiatzak 23, 8:00etatik 10:00etara eta 18:00etatik 20:00etara. Maiatzaren 24 eta 25ean, larunbata eta igandea, 12:00etatik 14:00etara egingo dituzte lanuzteak. Maiatzaren 26 eta 27an "ez dugu ezer egingo", aurreratu dute. Eta enpresaren jarreraren arabera, maiatzaren 28tik aurrera "greba mugagabea" egiteko prest agertu dira igogailuko beharginak. Horrela balitz, gutxiengo zerbitzuak ezarriko dituzte.
