Denetarik dakar aurtengo egitarauak: kontzertuak, erromeriak, bazkariak, txapelketak, jolasak... adin guztietako jendea biltzeko eta ederto pasatzeko planak izango dira.
Goizeko hamabietatik aurrera, eskulanen erakusketa egongo da auzoko udaltegian. Arratsaldean umeentzako puzgarriak, buru-haundiak, txokolatada eta futbito txapelketa egongo da. Nagusientzako, berriz, igel txapelketa, txaranga-poteoa Guretzat taldearekin eta gauean erromeria Lisker taldearekin.
Larunbateko agendak egun osoaz gozatzeko aukera eskainiko du. Paella lehiaketa izango da eguneko unerik garrantzitsuena. Horrez gain, jai batzordeak, futbolin, eskupilota, txapela jaurtiketa eta irrintzi txapelketak antolatu ditu. Txapelketa guztien sariak gauean banatuko dituzte, kontzertuen aurretik. Iluntzean De Acero (Extremoduroren tributoa) eta Ke Baina taldeek kontzertua eskainiko dute txosna gunean.