uriola.eus

Reina Sofia museoan paratu du erakusketa Erlea Maneros artista mahatsorriak

  Kultura-aisialdia  Begoñaldea

Irudiak sortzeko baldintzak eta ondorioak ikertu ditu Erlea Maneros artistak, testuinguruari eta banaketa moduari erreparatuz. Abuztuaren amaiera arte Madrileko Reina Sofia museoan ikusgai izango da bere lana.

Reina Sofia museoan paratu du erakusketa Erlea Maneros artista mahatsorriak
Argazkia: www.museoreinasofia.es | Ikusi handiago | Argazki originala

Sabatini eraikineko bi solairutan ikus daiteke egun Los Angelesen (AEB) bizi den Erlea Maneros Zabala artista bilbotarraren obra. Fisuras proiekturako beren-beregi sortu ditu piezetako batzuk. Horien ardatz dira abstrakzioaren lengoaien akademizazioa, egiletzaren kontzeptua edota artisautza eta sailean egiten den ekoizpenaren arteko harremana bezalako gaiak.

Exercises on abstraction izenarekin, Manerosek paper gainean tintaz eginiko lanen bilduma bat ere ikusgai dago (Abstrakzio ariketak, 2007-2015). Marrazkietako batzuk Reina Sofia museoko funtsekoak dira eta beste batzuk 2014-2015 bitartean eginak.

Erlea Maneros Zabalaren (Bilbo, 1977) formakuntza Glasgowko arte eskolara eta Los Angeleseko CalArts eskolara lotuta dago. Bere lanak Museo Experimental El Eco (Mexiko D.F.), REDCAT (Los Angeles), Kadist Art Foundation (Paris) edota Guggenheim Bilbao Museoan erakutsi ditu, besteak beste.

www.museoreinasofia.es

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa