uriola.eus

Zurbaranbarriko jaiak, metro eta guzti

  Jaiak  Begoñaldea

Gaur hasiko diren Zurbaranbarriko jaiak antolatzen lan gogorra egin dute auzoko elkarteek, saltoki laguntzaileek eta bizilagunek. Apain eta dotore dago auzoa bost eguneko jaiak ospatzeko. Besteak beste, metro geltoki berriaren ingurua ere txukundu dute. Bertatik espero dute Bilboko beste auzoetako lagunak iristea.  

Urtero bezala, Isidro deunaren osteko asteburuan ospatzen diren Zurbaranbarri auzoko jaietan parte hartzeko gonbidapena zabaldu diete bilbotarrei Zurbaranbarriko jai batzordekideek. Aurten ere, dantza lehiaketa, kontzertuak, kale animazioa, herri kirolak, antzerkia, lehiaketa gastronomikoak, barrakak, berbenak, txosna... etabar luze bat eskainiko dute, eta dena "musu-truk".

"Gainera, ez dago inolako aitzakiarik, metroa auzoaren bihotzera heltzen baita", diote jai batzordeko lagunek. Aurtengo jaiak iragartzeko kartelean ere ageri da metro geltokia su artifizialen artean. 

 

Egitaraua

Maiatzak 18 osteguna

17:00 Tute txapelketa

17:00 Futbolin txapelketaren jarraipena

17:30 Txupin jaurtiketa eta txosnaren irekiera

18:00 Umeentzako jolasak 

19:30 Hirugihar banaketa txosnan + eurokaña eta eurokalia

20:30 Kontzertua: Lowe + 80ko hamarkadako musika eta festa

 

facebook.comZURBARANBARRIko+jaiak

2017/05/17 - 2017/05/21

Begoñaldea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa