Asteazkenean hasi ziren Mallonako jaiak txosnaren irekierarekin. Auzo mahatsorriak irailaren 13tik 17ra bitartean jaiak ospatuko ditu. Mallona Berria Kultur Elkarteak urtero bezala egitarau zabala prestatu du auzoko jaietan. Marmitako lehiaketa, birla txapelketa, Guitarpoteoa, mozorro lehiaketa, berbenak eta beste asko. Gainera, igandean, Mallonako galtzadetako V. igoera herrikoiari ekingo diote.
Gaur, ostirala, pregoia eta txupinazoarekin asteburuari helduko diote auzokideek. Aurten, Joseba izango da txupineroa eta Julen eta Mikel anaiak pregoilariak. Arratsaldean, Guitarpoteo Go 3.0 poteo girotua egingo dute. Ondoren, DJ Monkeyren Show & Animal Party animazioarekin bat egingo dute.
Pintxo lehiaketa auzoan
Atzo, auzoko tabernen arteko pintxo lehiaketa ospatu zuten eta hamar tabernak euren pintxorik goxoenak prestatu zituzten. Horrela, auzokideak, auzotik barrena eta tabernez taberna ibilbidea egin zuten pintxo bakoitzari nota ipiniz. Igandean taberna irabazlearen izena ezagutzera emango dute.
Egitaraua
Irailak 15, igandea
10:00 Txistulariak
19:00 Pregoia eta txupinazoa
20:00 Guitarpoteo Go 3.0 + DJ Monkeyren Show & Animal Party animazioa txosnan
Irailak 16, larunbata
10:00 Txistulariak
11:00 Marmitako lehiaketaren hasiera
11:30 Haur jolasak
14:30 Marmitako lehiaketaren sariak
15:00 Herri bazkaria
16:00 Herri jolasak
17:45 Igela txapelketa
19:30 Mozorro lehiaketa
20:30 Haurrentzako berbena
22:30 Nagusientzako berbena
Irailak 17, igandea
10:00 Txistulariak
11:30 Mallonako galtzadetako V. igoera herrikoia
12:30 Bilbainadak Iñaki Basaberekin
17:30 Zirkua
19:30 Agurra eta sariak
www.facebook.com/MallonakoJaiak/
