Bilboko Udal Plangintzarako Aholku Batzordeak Arangoitiko Irakasle Eskola zaharraren eremuan etxebizitzak eraiki eta berrurbanizazio lanak egitea erraztuko duen HAPNaren aldaketa-proposamena aztertu zuen apirilaren 3ko batzarrean.
Plangintzarako Aholku Batzordeak Arangoitiko Irakasle Eskola zaharraren eremuan etxebizitzak eraiki eta berrurbanizazio lanak egitea erraztuko duen HAPNaren aldaketa-proposamena aztertu zuen, otsaileko bileran aurkeztutako berbera. Egungo antolamendu-araudiak ezarritako eraikigarritasun eta aprobetxamendu parametroei eutsiz, aldaketak hasieran aurreikusitako eraikinen berrantolamendua planteatzen du, mendi-magalean perpendikularrean kokatu beharreko lau eraikinen ordez, zeharka antolatutako hiru eraikin-ilada proposatuz.
Antolamendu berri horrek eremu libreen titulartasun-araubidearen konplexutasuna (publiko-pribatua eta mistoa) erraztu eta oinezkoen irisgarritasuna hobetuko du, gaur egungo eskaileraren osagarri gisa ezarriko den sistema mekaniko baten bidez.