Hurrengo ikasturtean Euskal Autonomia Erkidegoan Arte Eszenikoak, Musika eta Dantza Batxilergoa eskainiko duen institutu bakarra izango da IES Ibarrekolanda BHI. Maiatzaren 2tik 11ra aurrematrikula egiteko epea zabalik izango da.
Ikastetxe guztiek gutxienez bi batxilergo ikasteko aukera ematen dute, Giza Zientzietako Batxilerra eta Batxiler Zientifikoa. Ikastetxe batzuetan Arte Batxilergoa (arte plastikoak, irudia eta diseinua) ere eskaintzen da, esaterako Ibarrekolandako institutuak Bilbo osorako eskaintzen du Arte Batxilerra. Bada, hurrengo ikasturtetik aurrera, beste batxiler bat izango du aukeran, Arte Eszenikoak, Musika eta Dantza Batxilerra. EAE mailan aukera hori emango duen zentro bakarra izango da.
Arte Eszenikoak, Musika eta Dantza batxilerrean honako hauek izango dira ikasgaiak:
Lehenengo ikasturtea
Aplikatutako anatomia
Arte eszenikoak
Musika-hizkuntza eta praktika
Analisi musikala I
Bigarren ikasturtea
Ikus-entzunezko kultura
Musikaren eta dantzaren historia
Literatura unibertsala
Analisi musikala II
Maiatzaren 2tik 11ra batxilergoko aurrematrikula epea zabalik izango da.
INFO + IES Ibarrekolanda BHI