uriola.eus

Ramon y Cajal etorbideko lanak geroz eta nabariago

Ramon y Cajal etorbideko lanak geroz eta nabariago
None

Zarata, hautsa, espaloi eta errepide moztuak... hori jasan beharko dute Ramon y Cajal etorbideko erabiltzaileek 2014ko abenduaren 10era bitartean.

2012-2015 Auzokide Planaren baitan, Ramon y Cajal etorbidea osorik urbanizatu eta berrituko da. Zehazki, saneamendu, horniketa eta argi publikoen sareak berrituko dira, espaloiak zabalduko dira, aparkaleku berria egingo da eta kalea asfaltatuko da. Obra 2013 eta 2014 urteetan egingo da, inbertsioa 2,8 milioi eurokoa izango delarik.

Elizatik azkeneraino 2-3,5 metroko espaloiak

Ramon y Cajal etorbidea Deustuko San Pedro elizatik hasi eta etorbidearen azkeneraino zaharberrituko dute. Obrak amaituta espaloien zabalera 2 eta 3,5 metro bitartekoa izango da.

Aparkaleku berria

Beste alde batetik, Euskotrenbideak enpresaren trenbidea egon zeneko atzeko aldea ere eraberrituko da. Hor lur gaineko aparkaleku bat egingo da eta 200 ibilgailurentzako lekua egongo da.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa