PREST! aldizkariak HARPIDETZA KANPAINA jarri du martxan
Besteak beste, diru-laguntzen murrizketagatik, publizitatearen beherakadagatik edota inprenta eta banaketa gastuen igoeragatik. Horregatik, zuzentzen gara zugana, PREST!-en irakurle, laguntza txiki bat eskatuz. Urtean 25 euroko laguntza. Ekarpen txikiekin babes handia eman daitekelako.
Orain baino lehen krisien enbatei eutsi diegu Deustualdeko ikastetxe, elkarte eta eragileen laguntzari esker zein merkatari eta tabernen babesari esker. Behar izan dugunean erantzun bikaina jaso dugu, PREST! aldizkariaren lanaren eta balioaren aitortza gisa.
Gaurtik aurrera norbanakoei dei egin nahi dizuegu, PREST! aldizkaria estimatzen duzuenoi, zera galdetzeko: ni prest, zu?
Kartelak eta bideoak
Harpidedunak lortzeko zu bezalako irakurleen arreta erakartzea ezinbestekoa da. Horretarako hainbat mezu zabaltzea otu zaigu. Aldizkariko azalaren itxura duten kartelak bihurtu ditugu gure kanpainaren euskarri nagusi. Han-hemenka ikusiko dituzu hainbat lagun “PREST! laguntzeko prest?” dioten karteletan.
Interneten ere topatuko duzu kanpainaren berri, bai blogean bai sare sozialetan.
www.facebook.com/prestaldizkaria
Gune horietan ikus ditzakezu Txantxikuko begiraleek, Deustuko ikastolako umeek eta Kantugintzako taldekideek, Ane Zabalaren zuzendaritzapean, grabatu dituzten bideoak. Aktore lan bikain egin dute. Bideoak ikusteko sakatu hemen. Eskerrik asko emandako laguntzagatik. Biba zuek!
Harpidedun egiteko jar zaitez harremanetan gurekin:
PREST! aldizkaria
Ramon y Cajal 42 DEUSTU 48014
94 447 10 42
prestharpide@gmail.com