uriola.eus

Hasi dira deustuarrak ganbarak, apalak eta kutxak husten

Hasi dira deustuarrak ganbarak, apalak eta kutxak husten
None

KULTURA OUTLETerako lehen edukiak jasotzen ari gara. Ekarri erabiltzen ez dituzuen objektuak BERBAIZUra (Ramon y Cajal 42)

Ikusi orain arte KULTURA OUTLETerako jasotako materiala hemen

Durangoko Azoka baino astebete lehenago, azaroaren 27, 28 eta 29 arratsaldez, Müllerrenean kultura produktuak salgai jarriko ditugu oso prezio merkean.

Bai PREST! aldizkariak bai Berbaizu euskara elkarteak urteetan gorde eta pilatutako materialaren artean musika, liburu, urtekari, bilduma, gida, kamiseta eta beste hamaika bitxikeri eskuratu ahalko dira. Zuk ere ganbara beteegi baduzu, egin garbiketa eta ekarri Berbaizura erabiltzen ez dituzun kultura objektuak.

Ez dugu salerosketa huts izatea nahi eta horregatik kultura ekitaldiz zipriztindua izango da azoka: bertsolariak, zuzeneko musika eta jan-edana ez da faltako.

Hiru eguneko ekimena artelanen enkanteak borobilduko du. Azaroaren 29eko iluntzean, ez Christie’s, ez Sotheby’s, Müllerreneako enkantea bezalakorik ez da izango. Deustualdeko artistek PREST!-i eta Berbaizuri eskuzabalki emandako piezak subastatuko ditugu, giro onean.

INFO + BERBAIZU elkartea

Ramon y Cajal 42 DEUSTU

94 447 10 42

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa