Biak ala biak, arituko dira Alde Zaharreko metro geltokian, Mallonako igogailurako pasilloan, Begoñako argazki zaharrei kantari ostegunean, 19:30etan. Athleticek Manchesterren aurka duen partidua hasita egongo dela jakitun, San Mamesera joango ez direnak gonbidatu ditu bertso-saiora Estiballesek.
Hona ‘Begoña, goitik beherako herria’ erakusketaren aurkezpenean Arkaitz Estiballesek kantatuko bertso bi:
Mila bederatziehun eta hogeita bost
Begoñako elizatea
herri senari gertatzen zaio
Bilboren zati izatea
ona da guk gure auzoan
historia jakitea
auzoek ematen diote
Bilbori identitatea.
Ostegunean bi bertsolari
helduko gara bertara
panel honetxei bertsoak kantatuz
gora eta behera, hara eta hona
konpetentzia oso gogorra
izango da beharbada
San Mamesera ez doazenentzat
gu hemen egongo gara.