uriola.eus

Bilbotarrek elkartasuna adierazi diote Venezuelari

  Jendartea  Bilbo
Bilbotarrek elkartasuna adierazi diote Venezuelari
Jendetza hurbildu zen atzo arratsaldean Arriagako plazan "Estatu kolpeari ez, Venezuela Aurrera!" lelopean, Venezuelaren aldeko eta estatu-kolpearen kontrako elkartasun-elkarretaratzean parte hartzeko.

Herri mugimendu, sindikatu, alderdi politiko zein kolektibo ezberdinek elkarretaratzea burutu zuten atzo arratsaldean, “Nicolas Maduroren gobernua indarrez eroraraztea helburu duen desegonkortze-operazio eta kolpe leuna” salatzeko.

Diotenez, “ikus-entzunezko gerra biziak saiakera hori zilegitzen du. Hedabideek herritarren gutxiengo bat aurkezten dute Venezuelako herritzat –goi edo erdi-klaseko populazioa, inguru aberatsetako ikasleria- eta eraldaketa-prozesuaren aldeko gizartearen gehiengoa, ordea, isilarazi egiten dute. Aipatu prozesuaren ondorioz pobrezia erdira murriztu da Venezuelan 15 urteko denbora-tarte eskasean; horretarako, petrolio-errentaren inbertsio-soziala baliatu dute, lehen gutxi batzuen esku zegoena”.

“Kolpe-leun” egoerak gerra latza ere badakarrela diote eta “patronalak merkantziak metatu egiten dituela horniketarik eza eta inflazioa sorrarazteko; eta oposizioak kontrolaturiko udalerrietan eraso sistematikoak gertatzen direla kaos ekonomiko eta errepresio mezu nahasiak zabalduz”.

Venezuelako Iraultza Bolivartarra “garrantzi handiko pieza” da nazioarteko agertoki geopolitikoan; eta ondorioz, “berau eroraraztea heburu estrategikoa da Estatu Batu eta Europar Batasunarentzat”. Gauzak horrela, haien “esku-hartze inperialista” salatzen dute.

Diotenez, Venezuelan euren etorkizuna, berdintasun eta justiziaz eraikitzeko eskubidea da jokoan dagoena. Beraz, Euskal Herritik elkartasun aktibo eta iraunkorrerako luzatu diete.

Ikusi argazki guztiak handiago

Bilbotarrek elkartasuna adierazi diote Venezuelari - 1

Bilbotarrek elkartasuna adierazi diote Venezuelari - 2

Bilbotarrek elkartasuna adierazi diote Venezuelari - 3

Bilbotarrek elkartasuna adierazi diote Venezuelari - 4

Bilbotarrek elkartasuna adierazi diote Venezuelari - 5

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa