uriola.eus

Plaza Biribila ‘Iñaki Azkuna plaza’ eta Moyua plaza ‘Kukutza plaza’

  Jendartea
www.change.org atarian bi proposamen plazaratu dira. Biek eskatzen dute Bilboko plaza ezagunei izena aldatzeko.

Lehen eskaria Iñaki Azkuna alkatea hil eta gutxira zabaldu du Pilar Palacios herritarrak. Bilboko Udalari zuzendu zatzaio Pilar Plaza Biribilari izena aldatu eta ‘Iñaki Azkuna plaza’ izena jar diezaiola eskatuz. Dagoeneko 17.000 herritarrek babestu dute eskaria bere sinadurarekin. Beste 7.700 sinadura lortzea da Pilarren helburua.

“Plaza Biribila Bilboren bihotzean dago, gure alkate Iñaki Azkuna bezalaxe”. Hau da bere proposamena argudiatzeko Pilarrek ematen duen lehen arrazoia eta horrela beste sei argudio luzatzen ditu Iñaki Azkunak Bilboko “fundatzailearen ondoan” egon behar duela defendatzeko.

Kukutza plaza

Martzelo Ibarra herritarrak Moyua plaza ‘Kukutza plaza’ bezala izendatzeko ekimena abian jarri du. “Azkuna alkateak zuzendutako jazarpen eta erasoak sortutako kalte-ordain gisa eta Kukutzak eginiko gizarte eta hezkuntza lanaren aitortza gisa”. Eskaerak denbora gutxi darama sarean, eta ondorioz sinadura gutxi bildu ditu.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa