uriola.eus

Ostiraleko bertso-derbya igandeko futbol-derbyaren aperitifa

  Kultura-aisialdia  Bilbo
Athleticek eta Realak jokatuko duten futbol partiduak aurten hirugarrenez bertso-saioa izango du berogailu. Oraingo honetan Onintza Enbeita, Arkatiz Estiballes eta Jon Maia, Athletic Cluben izenean eta Amaia Agirre, Andoni Egaña eta Amets Arzallus, Real Sociedaden izenean. Gai-jartzailea Josu Goikoetxea izango da.
Ostiraleko bertso-derbya igandeko futbol-derbyaren aperitifa
www.athletic-club.net | Ikusi handiago | Argazki originala

Athletic Clubek eta BBK Aretoak antolatzen dute hirugarren edizio hau, Real Sociedad Fundazioaren laguntzarekin. Aurkezpen ekitaldian Jokin Garatea (Athletic Clubeko batzakidea) Nekane Soria (Real Sociedadeko kontseilaria) eta Jon Maia bertsolaria presente egon dira.

Hirugarren edizioa maiatzaren 9an izango da 20:00etan Kale Nagusiko BBK aretoan. Sarrera doakoa izango da aretoa bete arte.

Bertso-derbya Athletic Club Fundazioaren ideia da, Athletic Club eta Real Sociedaden arteko derbyetako lehia osasuntsua eta, orokorrean, dagoen giro ona errebindikatzeko. Bestalde, komunean dugun kultura sendotzea eta futbola bertsozaletasunean sustatzea dira helburu ere.

2014/05/09 20:00

BBK aretoan Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa