uriola.eus

Langabezia eta pobreziarekin bukatzeko aldarria kalera aterako dute gaur

  Jendartea  Bilbo
Bizkaiko hainbat langabetuen asanbladak, eragileen zein LAB sindikatuaren atxikimenduarekin, manifestazioa egingo dute gaur, maiatzak 23, 12:00etan, Arriagatik Eusko Jaurlaritzara. Martxaren bidez, langabezia eta pobreziaren etengabeko zabalkundea salatuko dituzte.

Hego Euskal Herrian, 288.818 lagun zeuden lanik gabe apirilean. Datuei erreparatuta ohartu gaitezke Bizkaia dela lau herrialdeen artean langabetu kopuru handiena biltzen duena: 102.300 pertsona. Gauzak horrela, Bizkaiko langabetuen asanbladek deituta, manifestazioa batek langabezia eta pobrezioaren kontrako aldarria Bilboko kaleetan barrena zabalduko du.

Deitzaileen esanetan, langabezia eta pobreziaren datu kezkagarriak "krisiaren kudeaketa antidemokratiko honetan burutzen diren politika zehatzen fruitu zuzena dira; hartutako erreforma eta neurri antilaboralen bidea, herritarrak pobretzen eta gure ekonomia suntsitzen ari delako".

Euren esanetan, politiken norabidea errotik aldatu beharra dago, "aberastasun nahikoa sortzen baita denak duintasunez bizi ahal izateko. Gauzak horrela, hitzordua zehaztu dute gaur, 12:00etan, Arriagan, "Langabeziaren eta pobreziaren aurka... Borrokatu!" lelopean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa