‘Street marketing’ ekintza deigarri batekin, osasun-arloko profesional modura jantzitako aktore bik El Sol jaialdiak Bilbori eta Bizkaiari ematen dizkien "onurak" kaleratu zituzten aste hasieran. Gaurtik igandera bitartean publizitate eta komunikazio arloko profesionalen txanda izango da.
El Sol jaialdiak komunikazioaren eta publizitatearen arloko mundu osoko profesionalen arreta bereganatzen du, eta, horrez gain, jendeak ere oso harrera ona egiten dio. Bilboko Udalak eta Bizkaiko Foru Aldundiak jaialdi honen balio seguruaren aldeko apustua egin dute. Izan ere, Bilbo toki onean jartzen du, ekitaldi handiak hartzeko punta-puntako baliabideak eta azpiegiturak dituen hiri bezala, kulturarekin, kirolarekin edo beste edozein arlorekin lotuta. El Sol 2012az geroztik egiten da Bizkaiko hiriburuan.
