Manuel Casellasen erakusketa uztaila eta abuztua bitartean ikusgai egongo da Juan de Ajuriagerran dagoen Muchel Mejuto galerian. Ordutegi zabala eskainiko du. Uztailean irekita egongo da astelehenetik ostiralera 11:00etatik 14:00etara eta 17:30etatik 21:00etara eta abuztuan aldiz, erakuslehioan ikusi daiteke.
Mugako esperimentua
Manuel Casellasek izaera desberdineko bi lan bateratu ditu: "Experimento Límite" (Mugako Esperimentua) eta "Obsolescencia programada" (Obsoleszentzia programatua). Bost urteko aldearekin egin baditu ere, espazioa sortzeko moduei eta horren mugei buruzko jakinahi berbera dute ardatz. Oraingo honetan ikusgai izango den lan esperimentalean, argazkigintza, arkitekturaren iruditik espazio berri bat eraikitzeko ahaleginera egokituko da. Lan horiekin batera, egungo testuinguruaren muga estrukturalak arakatzeko proiektu berriago baten emaitzak ere bildu dira erakusketa honetarako.
Manuel Casellas Arte Ederretan Lizentziatua da Sevillako Unibertsitatean eta Eskultura eta Historiako doktoratua egiten ari da unibertsitate horretan. Hainbat erakusketa egin ditu, hala kolektiboak nola indibidualak Granadan, Huelvan, Murcian, Venecian, Sevillan, Avilan, Bilbon etabar.