Bilboko Udalak jakinarazo dauenez, lana Londoneko Joko Paralinpikoetan parte hartzen daben atleta batzuen eta boleibol talde baten bizitzetan sartzen da.
Camino a Olimpia lanak, Niko von Glasow zuzendari alemanak, zeozelako urritasuna edo ezintasuna daben personen eguneroko bizitzak erakusteko egin dauen trilogia osotzen dau. Hirugarren parte horretan, zinegilea, bera be ezindua, bere burua kirolaren areriotzat hartzen dauena, eta joko paralinpikoak erabateko inkongruentzia lez ulertzen dituana, Londoneko Joko Paralinpikoetan parte hartzen daben lau atletaren eta boleibol talde baten bizitzetan sartzen da. Eurekaz kirolaren ganean berba egiten dau, baina baita bizitzeari eta bakotxaren bildurren ganean be.
Niko von Glasowek, Rainer Werner Fassbinder zuzendari ezagunari kafeak eroanez hasi eban bere zinema ibilbidea. New York University izenekoan eta Poloniako Lodzeko Eskolan ikasi eban, eta Alemaniako Akademiak hainbat sari emon deutsoz: Weddingguests haren lehen filmari eta Marie's Song edo Nobody is perfect lanei, besteak beste.
Bizkaie!