Izan ere, mota askotako txostenak idatzi behar dira, eta ideiak, kontzeptuak... hitzen bidez azaldu behar dira. Hitz eginez azaldu behar dira ingeniaritzako proiektuak, azalpenak emanez konbentzitu behar dira lankideak eta... proiektuak finantzatuko dituztenak.
Zientzia hitzetan oinarritzen da; eta zientzian oinarrituriko teknologia ere hitzen bidez garatzen da. Zenbat eta argiago eta egokiago hitz egin, zenbat eta kalitate handiagoko testu eta txosten teknikoak idatzi, hainbat eta hobeto azaltzen dira kontzeptuak, hainbat eta hobeto komunikatzen dira ideiak... hainbat eta hobeto lantzen dira zientzia eta teknologia.