Bilboko Udaleko Euskara, Gazteria eta Kirol Sailak antolatutako Bilbao Hiria Pop-Rock Lehiaketaren 26. edizioa bihar, irailak 11 (eguena), hasiko da Bilborock Aretoan, sailkatzeko kontzertuekin.
Musikaren arloko adituek osatutako epaimahaiak Bilborock Aretoan joko duten 38 taldeak aukeratuko ditu. Herrialde hauetakoak dira banda horiek: Euskadi, Frantzia, Belgika, Bartzelona, Madril, Murtzia, Nafarroa, Asturias, Kadiz, Kantabria, Jaen, Errioxa, Zaragoza eta Valentzia.
Sailkatzeko balioko duten kontzertuen egutegia
A) Pop-Rock
− Irailaren 11, 12, 18 eta 25ean
− Urriaren 2, 9, 16 eta 23an
B) Metal
− Irailaren 19an eta 26an
− Urriaren 3, 10 eta 17an
Elektronikan eta bestelako joeren kategorietan aurten ere zuzenean jokatuko da finala epaimahaiak aukeratutako banden artean. Sailkapen-fase honetan, epaimahaiak profesionalak ez diren baina musikarekin lotuta dauden gazteen eta kontzertuetara doazen entzuleen laguntza izango dute.
Aurreko edizioetan bezala, kontzertu guztiak 20:00etan hasiko dira eta ez da sarrerarik ordaindu beharko. Aukeratutako taldeek azaroan modalitateka jokatuko diren finaletan hartuko dute parte.
Lehiaketa 18-35 urteko gazteek osatutako musika-taldeentzat da, euren lanari laguntzeko eta zabalkundea emateko, aldi berean estatuko eta atzerriko beste banda batzuekin jotzeko aukera emanda. Hiru modalitate daude: pop-rocka, metala eta elektronika eta bestelako joerak.
Inskripzio-fasean 620 taldek eman zuten izena lehiaketaren edizio berri honetan parte hartzeko: 449 pop-rockekoak, 122 metalekoak eta 49 elektronika eta bestelako joeretakoak. Jatorriari dagokionez, berriz, % 25 Euskal Herrikoak, % 71 estatukoak eta % 4 atzerrikoak.
Finaleko kontzertuen egunak eta sariak
Bestelako Joeren finala azaroaren 6an izango da, Metalekoa 7an eta Pop-Rockekoa 8an. Musikaren arloko profesionalek osatutako epaimahaiak aukeratuko ditu irabazleak. Hauek izango dira sariak:
1.100 euroko saria ere egongo da lehiaketan ustekabeko maila ona eman duen talde gaztearentzat.
Web orri berria eta finalak streaming bidez
Nobedade nagusi moduan, aurten web orri berri hau eskainiko zaie zale guztiei: www.concursovilladebilbao.com . Honakoak kontsultatu ahal izango dira bertan: lehiaketari buruzko informazioa, kontzertuen egunak, taldeen gaineko informazioa, emanaldien bideoak eta abar. Aukeratutako banda bakoitzak aurkeztu dituen abestiak ere entzun ahal izango dira, baita streaming bidez ikusi azaroko finalak.
Gainera aurten, iaz bezala, App bat garatu da interesa daukatenek kontzertuetako programa eta taldeen informazio guztia jaitsi dezaten Android smartphonera.