uriola.eus

Pippo Delbonok 'Racconti di Giugno' lana aurkeztuko du BAD jaialdiaren baitan

  Kultura-aisialdia  Bilbo

BAD -Nazioarteko Antzerki eta Dantza Garaikidearen jaialdia- bere erdialdera heldu da, nazioarteko panoramako proposamen azpimarragarriekin. Asteburu oparoa eskaini eta gero, bihar, urriak 28, Guggenheim Museoaren auditorioan, 19:00etan, Pippo Delbono italiarraren `Racconti di Giugno´ lana aurkeztuko dute.

BAD Jaialdiaren XVI. edizioa urriaren 22tik azaroaren 2ra arte izango da jada ohikoak diren eszenatokietan, BilbaoArte, La Merced, Sala Rekalde, La Fundición, Muelle 3, Guggenheim Museoko auditorioa, Bilborock, Deustuko kiroldegia eta Arriaga antzokian.

Nazioarteko programazioari dagokionez, BAD-ek, Europa mailako antzerki dokumentaleko lan garrantzitsuenetako bat programatu du, Italiako antzerki garaikideko artista garrantzitsuenetakoa den Pippo Delbono italiarraren `Racconti di Giugno´ Guggenheim Museoaren auditorioan, urriaren 28an, arratsaldeko 19:00etan.

“Racconti di Giugno”, Pippo Delbonok (Varazze, Italia, 1959) sortutako bakarkako lan bakarra da. Bertan bere bizitza aztertzen du, familiarekin, maitasunarekin eta antzerkiarekin erlazionatuta; konfidentziaren eta konferentziaren erdibidean, ikus-entzuleekin partekatzen du bere bilaketa existentziala eta antzerki munduari dagokiona, eta hori, bizitzeko arteari buruzko ez ohiko lekukotza da. Delbono, nazioarteko lehiaketa handietan sarritan ikusi dugun egilea da, Malagan (Espainia) edo Avignonen (Frantzia), adibidez, eta bere lanak Italiako antzerkiaren zaharberritzea erakusten du, apustu ausarten bitartez. Zine eta antzerki antzezlea da baina, beste ezer baino gehiago, antzerki eta opera zuzendaria. 2009an Antzerkiaren Europa Saria lortu zuen. 

Egitaraua

Urriak 28, asteartea

19:00 Pippo Delbono italiarraren “Racconti di Giugno”, Guggenheim Museoaren auditorioan.

Urriak 29, asteazkena

Playgrounden (Xavier Bobés) “Monstruos” lanak leku kopuru mugatua duen ikuskizunak bi emanaldi izango ditu.

Urriak 31, ostirala

21:30 “Carmen: Shakespeare Acto 1” lanaren Euskadiko estreinaldia, La Merceden.

Azaroak 2, igandea

20:30 “El futuro empezó ayer” lanaren erabateko estreinaldiak emango dio amaiera jaialdiari, La Merceden.

 

2014/10/25 19:00 - 22:00

La Merced eta Errekalde Aretoan Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa