Paisaia eta bidaia argazkiak gustuko ditu Margak. Hor zehar dabilenean aldean darama huts egin gabe kamera. “Reflex digital bat daukat”, diosku.
Argazkiak egin ostean Photoshopen editatzen ditu Margak. “Ahalik eta gutxien ukitzen” ahalegintzen dela aitortzen du. Fokatzea eta kontrastea doitzen ditu. Eta “sormenak” bereganatzen duenean, mozketak eta efektu bereziak erabiltzen ditu.
Bere argazkietako batzuk Flickr eta Facebooken argitaratuta ditu eta beste asko egiteke ditu. “Mundu honetan erretratatzeko asko dago”, dio. Besteak beste, BERTONi utzitakoak 2013ko azaroan India mendebaldean eginikoak dira.