%252011.23.15.png)
Gaurtik hasita eta bi astez, gutxi gorabehera, espaloia, galtzada eta aparkalekuak okupatuko dira Benito Alberdi kaleko 6. zenbakiaren parean. Bidea etengabe egongo da libre oinezkoentzat eta okupatuko diren aparkalekuetan hesiak jarriko dira aurretiaz. Espaloia jasotzeko lanetarako okupatuko da esparru publikoa.
Esparruaren okupazioa Zazpilanda etxaldean
Era berean, gaurtik, azaroak 18, hasi eta bi astez, gutxi gorabehera, galtzada eta espaloia okupatu eta aparkalekuak kenduko dira Zazpilanda etxaldeko 11. zenbakiaren aurrean. Okupatuko diren gunean hesiak jarriko dira aurretiaz; ibilgailuen zirkulazioa baimenduko da eta bidea etengabe egongo da libre oinezkoentzat. Espaloia zabaltzeko lanetarako okupatuko da esparru publikoa.
Uretamendiko espaloia eta aparkalekua okupatuta
Gaur hasi eta lau hilabetez, gutxi gorabehera, espaloia eta aparkalekuak okupatuko dira Uretamendi auzoan, 11 eta 8 zenbakien artean. Bidea etengabe egongo da libre oinezkoentzat eta okupatuko diren aparkalekuetan hesiak jarriko dira aurretiaz.
Uretamendi auzoko 38, 40, 42 eta 44 zenbakietarako arrapalak egiteko okupatuko da esparru publikoa.
Lanak Gordoniz kalean
Gaur hasi eta hilabetez, gutxi gorabehera, espaloi zati bat okupatuko da Gordoniz kalean, 59. zenbakiaren parean. Oinezkoek igarobidea libre izango dute.
Elektrizitatearen kanalizazio-lanak espaloitik egiteko okupatuko da espazio publikoa.
Espaloiaren okupazioa Errekalden
Errekalden ere, gaurtik hasita eta astebetez esparru publikoa okupatuko dute. Lanak, hain zuzen ere, Camilo Villabaso kaleko 8. zenbakiaren eta Biarritz kaleko 24. zenbakiaren arteko eremuan izango dira. Oinezkoentzat bidea libre izango da etengabe.
Mutxardadura (espaloietan labain ez egiteko tratamendua) egiteko okupatuko da esparru publikoa.
Ur mozketa Betolatzan
Gaur, arratsaldeko 16:00etatik 19:00etara bitartean, gutxi gorabehera, uraren hornidura zerbitzua kenduko dute Ingurubidea errepideko 1etik 10era, eta 16 zein 18 zenbakietan; eta Betolatza auzoko 1etik 12ra, 26tik 31ra eta 38tik 43ra.
Ingurubidea errepideko 2an ur-hartune bat konpontzeko kenduko dute ura.