Alkartasuna Fundazioko Ikasketen arduradun Edurne Gumuzio andreak koordinatuko eta moderatuko du mahai-ingurua eta ELAko Prestakuntzako arduradun eta Robles Arangiz Fundazioko presidente Xabi Anza jaunak, LABeko prestakuntzako idazkari eta Ipar Hegoa Fundazioko kide Jagoba Zulueta jaunak, eta STEE-EILASeko ordezkari Ana Perez andreak parte hartuko dute bertan.
Hitzorduan autodeterminazio eta erabakitzeko eskubidearen inguruan sindikatuen eragina aztertuko dute; baita, Euskal Herriak gizarte-eskubideak bermatuko dituen berezko eredu sozioekonomiko berria izan dezan eman beharreko urratsak ere.