2015 urtarrilaren 29ra arte eros daiteke Kultura bonoa BBKren orotarako kutxazainetan, eta urtarrilaren 31ra arte erabili ahalko da Bizkaiko 100 denda/saltoki baino gehiagotan. 21.500 kultur txartel dira salgai jarriko direnak.
Horretarako, hiru mota izango ditu Bizkaiko Kultur Txartelak, baina guztiek ere 40 euroko gastua egiteko aukera emango dute:
A motako bonoa
32 euroko prezioa du, eta erderazko edozein kultur produktu erosteko erabili ahal izango da (B edo D motetako Bizkaiko Kultur Txartelekin eros daitezkeen produktu eta zerbitzuak izan ezik).
Liburua: testu-liburuak, ikasteko liburuak eta liburu profesionalak izan ezik.
Musika: edozein euskarritan (CDa, biniloa, DVDa...).
Zinema: DVDa eta beste euskarri batzuk.
B motako bonoa
28 euroko prezioa du, eta erderaz egindako zuzeneko kultur ikuskizunetara joateko (zinema, antzerkia, musika...) eta museoak bisitatzeko erabili ahal izango da.
D motako bonoa
24 euroko prezioa du, eta euskarazko produktuak erosteko eta euskaraz egindako kultur ikuskizunetara joateko (zinema, antzerkia, musika...) erabili ahal izango da.