Orain arte Bizkaibusek ematen zuen zerbitzua ordezkatzera dator Bilbobus linea berria. 'A7 Artxanda-Areatza' atzotik (abenduak 14) funtzionatzen ari da. Honek 60'ko maiztasuna du asteko egun guztietan -lanegunetan, larunbat eta igandeetan eta jaiegunetan- eta Artxanda Mendia Hiriaren erdigunearekin lotzen du. Era berean, beste auzoekiko lotura ere hobetzen du hainbat geralekuetan Bilbobuseko beste lineetako autobusetara aldatu ahal delako.
A7 linea Areatzatik 07:15etatik 22:15etara ibiliko da -lanegunetan- eta 08:15etatik 22:15etara -larunbat, igande eta jaiegunetan. Eta Artxandatik 8:00etatik 23:00etara -lanegunetan- eta 09:00etatik 23:00etara larunbat, igande eta jaiegunetan.
Informazio gehiago geralekuan bertan, 010 informazio-telefonora deituta edo udal webgunean: www.bilbao.net.
