Kantu bazkarirako sarrera 25€ kostatuko da eta Zenbat Gararen bulegoan, Kafe Antzokiko barran edo salmenta telematikoko gunean erosi ahal izango da.
Abenduan argitaratu zuen Erroa argitaletxeak Bidexka diskoa, baxenafar abeslari hauen lehenengo CDa. Durangoko Azokan aurkeztu zuten lehenik, ondoren Baionako Elkar dendan eta azkenik Bilboko Kafe Antzokian aurkeztuko dute datorren larunbatean. Arrakasta izan du urepeldarren diskoak, dagoeneko 1.000 ale baino gehiago saldu baitituzte eta, bigarren argitaraldia agortzear egonik, bidean dago beste 500 aleko sorta bat.