Urtero legez, martxoaren 8a aldarrikapenerako eguna izan da. Aurten, 'Euskal Herria feminismotik eraikitzen' lelopean, Euskal Herriko Koordinadora Feministak deituta manifestazioa abiatu zen atzo, eguerdiko 13:00etan, Arriagako plazatik. Plaza Biribilera hurbildu eta bertatik udaletxerako bidea hartu zuten milaka lagunek, ondoren Arriagara bueltatzeko.
Bertan, mugimendu feministako kideek argi utzi zuten, "eraikitzeko eta eragiteko ahalmenaz baliatuta borroka feministan lanean" jarraitzeko asmoa dutela aurrera pausoak ematen jarraitzeko. Era berean, Emakumeon Nazioarteko Egunetik "aldaketa feminista aldarrikatu" zuten.